ஆராய்ச்சி இயக்குநரகம்

இப்பல்கலைக்கழகம் தனிச்சிறப்பு வாய்ந்த ஆராய்ச்சி இயக்குநரகத்துடன் வலுவான ஆராய்ச்சி தளத்தைக் கொண்டுள்ளது. இவ்வியக்ககம், ஆராய்ச்சி முயற்சிகளை திட்டமிடுதல், தேசிய மற்றும் சர்வதேச அளவில் ஆராய்ச்சி அமைப்புகளுடன் தொடர்பு ஏற்படுத்துதல், ஆராய்ச்சி திட்டங்களை கண்காணித்தல் மற்றும் ஆராய்ச்சி ஆவணங்களை தயாரித்தல் போன்ற பணிகளில் ஈடுபட்டுள்ளது.

• கால்நடை உற்பத்தி மற்றும் கால்நடை நல இயக்ககங்களின் கீழ் செயல்படும் ஆராய்ச்சி நிலையங்கள்/பண்ணைகள் மற்றும் ஆய்வகங்கள் மற்றும் உறுப்புக் கல்லூரிகள் மூலம் கால்நடை மற்றும் கோழி வளர்ப்போர், தொழில் முனைவோர் மட்டுமன்றி மொத்த சமூகமும் பயன்பெறும் வகையில் ஆராய்ச்சிப் பணிகள் மேற்கொள்ளப்படுகின்றன.
• பல்கலைக்கழக ஆராய்ச்சிக் குழு, தேசிய மற்றும் சர்வதேச முகமைகளின் நிதியுதவியுடன் பல்கலைக்கழக ஆராய்ச்சிக் கொள்கைகளை வகுத்திடவும், ஆராய்ச்சித் திட்டங்களை உருவாக்கவும் ஒருங்கிணைக்கவும் உதவும் அமைப்பாக செயல்படுகிறது. கல்வி மற்றும் விரிவாக்கப்பணிகளை இணைத்து, விவசாயிகளின் தேவைகளைப் பூர்த்தி செய்ய ஆராய்ச்சி நடவடிக்கைகளை மேற்கொள்ள உதவுகிறது.

துணைவேந்தரை அதன் தலைவராகக் கொண்ட ஆராய்ச்சிக் குழு பல்கலைக்கழகத்தின் ஆராய்ச்சி நடவடிக்கைகள் குறித்த கொள்கைகளை உருவாக்கும் அமைப்பாகும். இக் குழு கீழ்கண்டவற்றை பரிசீலித்து பரிந்துரைகளை அளிக்கும்:

• பல்வேறு பல்கலைக்கழக அலகுகளிடையே ஒருங்கிணைப்பை ஏற்படுத்தி கால்நடை அறிவியல் துறையில் ஆராய்ச்சி திட்டங்கள் மற்றும் திட்டங்களை உருவாக்குதல்.
• ஆராய்ச்சி திட்டங்களை செயல்படுத்த தேவையான உள்கட்டமைப்பு வசதிகள்.
• கல்வி, ஆராய்ச்சி மற்றும் விரிவாக்க செயல்பாடுகளை ஒருங்கிணைத்தல்.
• விவசாயிகளின் தேவைகளைப் பூர்த்தி செய்யும் வகையில் ஆராய்ச்சியை மேற்கொள்வது.
• விஞ்ஞானிகளால் சமர்ப்பிக்கப்பட்ட நடந்து கொண்டிருக்கும் / முடிக்கப்பட்ட ஆராய்ச்சி திட்டங்களின் அறிக்கைகளை பகுப்பாய்வு செய்யவது.
• மத்திய மாநில அரசுகள், பல்கலைக்கழக மேலாண்மைக்குழு, துணைவேந்தர் அல்லது பல்கலைக்கழக / முகமைகளின் பிற அதிகாரிகளால் பரிந்துரைக்கப்பட்ட கால்நடை பராமரிப்பு / கால்நடை மருத்துவ அறிவியல் ஆராய்ச்சி தொடர்பான ஆராய்ச்சிகளை நெறிப்படுத்திடல்.

இப்பல்கலைக்கழகம் பல்வேறு தேசிய மற்றும் பன்னாட்டு நிறுவனங்களின் நிதியினை ஈர்த்து ஆராய்ச்சித் திட்டங்களில் தீவிரமாக ஈடுபட்டு வருகிறது.