கோழியின நோய்ப் பரிசோதனை மற்றும் கண்காணிப்பு ஆய்வகம்

வரலாறு

• தேசியப் பொருளாதாரத்திற்கு வளம் சேர்க்கும் கோழிகளைப் பாதுகாக்கவும், கோழிப்பண்ணைத் தொழில் நிலைத்துநின்று சிறந்து விளங்கவும் 04.09.1979 அன்று நாமக்கல்லில் கோழியின ஆராய்ச்சி மற்றும் நோய் கண்டறிதல் மையம் ஆரம்பிக்கப்பட்டது.
• இம்மையம் தரம் உயர்த்தப்பட்டு 01.12.2012இல் கோழியின நோய்ப் பரிசோதனை மற்றும் கண்காணிப்பு ஆய்வகமாகப் பெயர் மாற்றம் செய்யப்பட்டுப் பணியாற்றி வருகிறது.

குறிக்கோள்கள்

• பண்ணைகளில் கோழிகளுக்கு ஏற்படும் நோய்களைக் கட்டுப்படுத்துவதிலும் அவற்றை வராமல் தடுப்பதிலும் பண்ணையாளர்களுக்கு மிகுந்த சேவையாற்றி வருதல்
• இறந்த கோழிகளைப் பரிசோதனை செய்து, நோய் கண்டறிந்து கூறுதல் மற்றும் ஆய்வகப் பரிசோதனை மூலம் நோய் கண்டறிதல்
• ஊநீர் சோதனை மூலம் வெள்ளைக் கழிச்சல் மற்றும் சிறுமூச்சுக்குழல் நோய்களுக்கு நோய் எதிர்ப்புச் சக்தி கண்டறிந்து ஆலோசனை கூறுதல்
• கோழிப் பண்ணைகளில் பொதுவாகக் காணப்படும் நோய்களைக் கண்காணித்தல்

சேவைகள்

• பண்ணையில் இறக்கும் கோழிகளை ஆய்வுசெய்து எந்த வகை நோயினால் கோழிகள் இறந்தன எனக் கண்டறிந்து ஆலோசனை கூறுதல்
• பண்ணையில் ஏற்படும் நோய்ப் பிரச்சனைகளுக்கு நேரில் சென்று ஆய்வு செய்தல், மாதிரிகள் சேகரித்து ஆய்வகச் சோதனைக்கு உட்படுத்தி, அவற்றிற்கு உரிய ஆலோசனை அளித்தல்
• கோழிகளில் இரத்த மாதிரிகள் சேகரித்து ஆய்வகப் பரிசோதனைக்கு உட்படுத்தி அவற்றிற்கு வெள்ளைக் கழிச்சல் மற்றும் சிறு மூச்சுக்குழல் நோய்க்கு எதிராக எதிர்ப்புச் சக்தி உள்ளதா என்று கண்டறிந்து தடுப்பூசிகளைப் பரிந்தரை செய்தல்
• கோழிகளின் நோய்க்கெதிராக நுண்ணுயிர்க்கொல்லி மருந்துகளை ஆய்வகச் சோதனை மூலம் கண்டறிந்து சரியான நுண்ணுயிர்க்கொல்லி மருந்துகளைப் பரிந்துரை செய்தல்
• கோழிப்பண்ணைகளில் குடிநீரில் நோய்க்கிருமிகள் உள்ளனவா என ஆய்வகப் பரிசோதனை செய்து, நோய்க்கிருமிகளின் ஆதிக்கம் இருப்பின் கிருமிநாசினிகளைப் பரிந்துரை செய்தல்
• கோழித்தீவனம், தீவனச் சேர்க்கைகள மற்றும் தீவன மூலப்பொருட்களில் நோய்க்கிருமிகளின் ஆதிக்கம் உள்ளதா என ஆய்வகச் சோதனைக்கு உட்படுத்தி நிவாரணம் கூறுதல்
• கோழிப்பண்ணைகள் மற்றும் குஞ்சுப் பொரிப்பகங்களில் உள்ள கொட்டகைச் சுற்றுப்புறச்சூழலில் நோய்க்கிருமிகள் ஆதிக்கம் உள்ளனவா எனக் கண்டறிந்து ஆலோசனை கூறுதல்
• கோழிகளுக்கு அளிக்கப்படும் வெள்ளைக் கழிச்சல் நோய்த் தடுப்பூசியின் திறன் கண்டறிந்து கூறுதல்
• பண்ணைக்கு ஆய்வக அறிவியலாளர்கள் பயணம் செய்து பண்ணையாளர்களின் பிரச்சனைகளைத் தீர்த்து வைத்தல்

ஆய்வகச் சோனைகள் மற்றும் கட்டண விவரம்

வல்லுநர்கள்

• முனைவர் தி.ரா. கோபாலகிருஷ்ண மூர்த்தி, பேராசிரியர்
• முனைவர் க.செந்தில்வேல், பேராசிரியர்
• முனைவர் வா. கௌதமன், உதவிப் பேராசிரியர்
• மருத்துவர் நித்யா, உதவிப் பேராசிரியர்

தொடர்புக்கு:

பேராசிரியர் மற்றும் தலைவர்,

கோழியின நோய்ப் பரிசோதனை மற்றும் கண்காணிப்பு ஆய்வகம்,

நாமக்கல் கால்நடை மருத்துவக் கல்லூரி மற்றும் ஆராய்ச்சி நிலைய வளாகம்,

நாமக்கல் -637 002

தொலைபேசி: 04286- 266226