கால்நடை உற்பத்திக் கல்வி மையம்

மைய தீவன தொழில்நுட்ப பிரிவு, காட்டுப்பாக்கம்

தோற்றம்

சென்னை நந்தனத்தில் அமைந்துள்ள கோழிப்பண்ணை ஆராய்ச்சி நிலையத்தில் பராமரிக்கப்படும் பல்வேறு கோழி இனங்களுக்கு தீவனம் அளிப்பதற்காக முதன்முதலில் தீவனஆலைநிறுவப்பட்டது. பின்பு, சென்னை கால்நடை மருத்துவக் கல்லூரியில் பராமரிக்கப்படும் கோழிகளுக்கும் மற்றும் ஆய்வக விலங்குகளுக்கும்தேவையான தீவனங்களை இத்தீவன ஆலை தயாரித்து கொடுத்தது.
01.04.2003 முதல் இந்த தீவன ஆலையானது ஒரு சுய நிதிப் பிரிவாக மாற்றம் செய்யப்பட்டது. இந்ததீவனஆலையில்தயாரிக்கப்படும்பல்வேறு வகையான கால்நடை மற்றும் கோழி தீவனங்கள், தனுவாஸ் தாதுஉப்பு கலவை மற்றும் தனுவாஸ் ஸ்மார்ட் தாதுஉப்பு கலவைஆகியவைதமிழ்நாடுகால்நடைமருத்துவஅறிவியல்பல்கலைகழகத்தின்பல்வேறு தொகுதிகளுக்கும், தமிழ்நாடுகால்நடை பராமரிப்புத் துறையின் மாவட்ட கால்நடை பண்ணைகள்,கல்வி நிறுவனங்கள், தனியார் ஆராய்ச்சி நிறுவனங்கள், மருத்துவமனைகள் மற்றும் கால்நடை வளர்க்கும்பண்ணையாளர்களுக்கும் தயாரிக்கப்பட்டு வழங்கப்படுகிறது. இந்தஆலையானது 2009-ல்மைய தீவன தொழில்நுட்ப பிரிவு(CFTU) என பெயர் மாற்றம் செய்யப்பட்டது. இப்பிரிவானது, ஆண்டுதோறும் தோராயமாக 1800 - 2000 மெட்ரிக் டன்கால்நடை மற்றும் கோழி தீவனங்கள் மற்றும் 150 மெட்ரிக் டன்தாதுஉப்பு கலவையைதயாரிக்கிறது.

குறிக்கோள்கள்

1. தமிழ்நாடுகால்நடைமருத்துவஅறிவியல்பல்கலைக்கழக பண்ணைகள், தமிழ்நாடு கால்நடை பராமரிப்புத் துறையின் மாவட்ட கால்நடை பண்ணைகள், பிற நிறுவனங்கள் மற்றும் கால்நடை வளர்க்கும் பண்ணையாளர்களுக்கும் பல்வேறு வகையான கால்நடை மற்றும் கோழி தீவனங்கள் மற்றும் தனுவாஸ் தாதுஉப்பு கலவைகளை தயாரித்து விற்பனை செய்தல்.
2. தமிழ்நாடுகால்நடைமருத்துவஅறிவியல்பல்கலைக்கழகத்தின் கீழ் இயங்கும் பல்வேறு துறைகளில் நடைபெறும் ஆராய்ச்சிகளுக்கு தேவையான தீவனங்களைதயாரித்தல்.
3. கால்நடை மற்றும் கோழி வளர்ப்பில் உற்பத்தித்திறனை அதிகரிக்க தேவையான கால்நடை ஊட்டச்சத்தியியல் தொடர்பான ஆராய்ச்சிகளை நடத்துதல்.

வழங்கப்படும் சேவைகள்

கால்நடைகளின் உற்பத்தி திறனைமேம்படுத்துவதற்காகபல்வேறுவகையான கால்நடை மற்றும் கோழிகளுக்குதேவைப்படும் ஊட்டச்சத்துக்களின்அடிப்படையில் தீவனங்கள் தயாரிக்கப்பட்டு விற்பனை செய்யப்படுகின்றன.
ஏறத்தாழ 40 வகையான கால்நடை மற்றும் கோழி தீவனங்கள் தயாரிக்கப்பட்டு தமிழ்நாடுகால்நடைமருத்துவஅறிவியல்பல்கலைக்கழக பண்ணைகள், தமிழ்நாடு கால்நடை பராமரிப்புத் துறையின் மாவட்ட கால்நடை பண்ணைகள், பிற கல்வி நிறுவனங்கள், தனியார் ஆராய்ச்சி நிறுவனங்கள், மருத்துவமனைகள்மற்றும் பொதுமக்களுக்கு வழங்கப்படுகின்றன.
தமிழ்நாடுகால்நடைமருத்துவஅறிவியல்பல்கலைக்கழகத்தின் கீழ் இயங்கும் பல்வேறு துறைகளில் நடைபெறும் ஆராய்ச்சிகளுக்கு தேவையான ஆராய்ச்சி தீவனங்களை தயாரித்தல்.
கால்நடை விவசாயிகளை ஊக்குவிப்பதற்காக,பல்வேறு வகையானகால்நடை மற்றும் கோழி தீவனங்கள் மற்றும் தனுவாஸ் தாதுஉப்பு கலவை ஆகியவை மைய தீவன தொழில் நுட்ப பிரிவு, காட்டுப்பாக்கம் அலுவலகத்தில் அனைத்து வேலை நாட்களிலும்காலை 10.00 முதல் பிற்பகல் 13.00 மணி வரை விற்கப்படுகின்றன.
"தனுவாஸ் தாதுஉப்பு கலவை" ஆனது தமிழ்நாடு கால்நடை மருத்துவ அறிவியல் பல்கலைக்கழகத்தின்அனைத்து கால்நடை பல்கலைக்கழக பயிற்சி மற்றும் ஆராய்ச்சி மையங்களுக்குவிநியோகிக்கப்பட்டுதமிழ்நாட்டிலிலுள்ளகால்நடை வளர்ப்போர் பயன்பெறும் வகையில் விற்பனை செய்யப்படுகிறது.
கால்நடை வளர்க்கும் விவசாயிகளுக்கு, கறவைப்பசு மற்றும் நாட்டுக்கோழிகளுக்கு தீவனமளிப்பதில் ஏற்படும் சந்தேகங்களுக்கு, பண்ணை ஆலோசனை சேவைகள் வழங்கப்படுகிறது.
தமிழ்நாடு கால்நடை மருத்துவ அறிவியல் பல்கலைக்கழகத்தின் கீழ் இயங்கும் நந்தனத்திலுள்ள தொலைதூரக் கல்வி இயக்குநரகத்தில் பதிவுசெய்யப்பட்ட விண்ணப்பதாரர்களுக்கான “தீவன ஆலை மேற்பார்வையாளர்” (ஒரு மாத படிப்பு) குறித்த திறன் மேம்பாட்டு பயிற்சி தொடர்ந்து வழங்கப்படுகிறது.

கறவை பசுக்களுக்கான தனுவாஸ் தாதுஉப்பு கலவை

தனுவாஸ் தாதுஉப்பு கலவையானது சுண்ணாம்பு, மணிச்சத்து, மெக்னீசியம், சோடியம் மற்றும் குளோரின் போன்ற முக்கிய தாதுக்கள் மற்றும் இரும்பு, மாங்கனீசு, துத்தநாகம், தாமிரம், கோபால்ட், அயோடின் மற்றும் செலினியம் போன்ற குறைந்த அளவில் தேவைப்படும் தாதுஉப்புக்கள் கொண்ட ஒரு கலவையாகும். இத்தாது உப்புக்கலவையானது 2005 ஆம் ஆண்டு முதல் தயாரிக்கப்பட்டுவிற்பனைச் செய்யப்படுகின்றது.
"தனுவாஸ் தாதுஉப்பு கலவை" ஆனது பல்வேறு கால்நடை பண்ணையாளர்களிடையே நல்ல வரவேற்பை பெற்றுள்ளது. இந்த "தனுவாஸ் தாதுஉப்பு கலவை" ஆனது தமிழ்நாடுகால்நடைமருத்துவஅறிவியல்பல்கலைக்கழகத்தின் அனைத்து கால்நடை பல்கலைக்கழக பயிற்சி மற்றும் ஆராய்ச்சி மையங்களுக்கு விநியோகிக்கப்பட்டு தமிழ்நாட்டிலிலுள்ள அனைத்து கால்நடை வளர்ப்போரும்பயன்பெறும் வகையில் விற்பனை செய்யப்படுகிறது. மேலும், இத்தாதுஉப்பானது, கால்நடை அபிவிருத்திக்காக பல்வேறுதிட்டங்களின் மூலம் தமிழ்நாடு கால்நடைபராமரிப்புதுறையால் விநியோகிக்கப்படுகிறது.
பால் உற்பத்தியை மேம்படுத்துவதில் இந்த தனுவாஸ் தாதுஉப்பு கலவையானது மிக முக்கிய பங்கு வகிக்கிறது. மேலும், இக்கலவையினை பயன்படுத்துவதனால் மிக குறைந்த உற்பத்தி செலவிலேயே 10 சதவீதம் பால் உற்பத்தி அதிகரித்துள்ளதை ஆராய்ச்சி மூலம் அறியப்பட்டுள்ளது..

பேராசிரியர் மற்றும் தலைவர்,
மைய தீவன தொழில்நுட்ப பிரிவு
காட்டுப்பாக்கம், செங்கல்பட்டுமாவட்டம் – 603 203
தொலைபேசி எண்: +91-96772 48311
மின்னஞ்சல்: cftu@tanuvas.org.in