விரிவாக்கக் கல்வி இயக்குநரகம்

தமிழ்நாடு வேளாண் பல்கலைக்கழகம், கோயம்புத்தூரின் (TNAU) கட்டுப்பாட்டின் கீழ் கோழி ஆராய்ச்சி மற்றும் வளர்ச்சி மையம் (PRDC) என்னும் பெயரில் 19.05.1981 (Proc.No.R.2/45-12 (6)/81, Dt: 26.4.1981 of the Registrar, Tamil Nadu Agricultural University, Coimbatore) அன்று கால்நடை பல்கலைக்கழக பயிற்சி மற்றும் ஆராய்ச்சி மையம் தோற்றுவிக்கப்பட்டது. கோழிப்பண்ணைகள் புதிதாய்த் தோன்றி தழைத்து வந்த அன்றைய கோவை மாவட்டம் மற்றும் சுற்றுவட்டாரத்தின் தேவைகளைப் பூர்த்தி செய்யும் பொருட்டு இம்மையம் தோற்றுவிக்கப்பட்டது. பின்னர் 20.09.1989ல் ஆசியாவிலேயே முதன்முறையாக சென்னையில் தமிழ்நாடு கால்நடை மருத்துவ அறிவியல் பல்கலைக்கழகம் தோற்றுவிக்கப்பட்ட போது இம்மையம் அதன் கட்டுப்பாட்டின் கீழ் கொண்டுவரப்பட்டு பல்கலைக்கழக பயிற்சி மற்றும் ஆராய்ச்சி மையம் எனப் பெயரிடப்பட்டு, திருப்பூர் மாவட்டத்தின் கால்நடை மற்றும் கோழி வளர்ப்பு சார்ந்து பண்ணையாளர்களுக்கு உதவும் நோக்கத்துடன் செயல்படத்துவங்கியது. அதன்பிறகு 08.04.1999 முதல் கால்நடை பல்கலைக்கழக பயிற்சி மற்றும் ஆராய்ச்சி மையம், திருப்பூர் எனப் பெயரிடப்பட்டு விரிவாக்கக் கல்வி இயக்ககத்தின் கீழ் செயல்பட்டு வருகிறது.
கால்நடை பல்கலைக்கழக பயிற்சி மற்றும் ஆராய்ச்சி மையமானது திருப்பூர் 641604, காமராஜர் சாலை, பழைய பேருந்து நிலையத்திற்கு எதிரில் உள்ள கால்நடை மருத்துவமனை வளாகத்தில் செயல்பட்டு வருகிறது.

விவசாயிகள், மகளிர் சுய உதவிக்குழுக்கள், நிலமற்ற விவசாயக்கூலிகள், கிராமப்புற ஏழைகள், வேலையற்ற இளைஞர்கள், பொருளாதாரத்தில் நலிவுற்றோர் மற்றும் தொழில்முனைவோருக்கு கால்நடை வளர்ப்பு மற்றும் கோழிவளர்ப்பு சார்ந்த பல்வேறு உள்வளாக, வெளிவளாக பயிற்சிகள் வழங்குதல்.

திருப்பூர் பழைய பேருந்து நிலையத்திற்கு எதிர்புறம் இருக்கும் கால்நடை மருத்துவமனை வளாகத்தினுள் 15 செண்ட் பரப்பளவில் இம்மையம் அமைந்துள்ளது. பணியாளர்களுக்கான இடவசதி மற்றும் ஆய்வகத்தினுடன் இணைந்த பயிற்சி அறை ஆகியவற்றை இது உள்ளடக்கியது. இந்த ஆய்வகம் பரிசோதனைக்குத் தேவையான குறைந்தபட்ச உபகரணங்களைக் கொண்டுள்ளது. இம்மையத்தில் மூன்று அசோலா செயல்விளக்கத் தொட்டிகளில் அசோலா வளர்க்கப்பட்டு கால்நடைப் பண்ணையாளர்களின் பயன்பாட்டிற்கு வழங்கப்பட்டு வருகிறது. இதன்மூலம் அவர்கள் தங்களுக்கான அசோலா தீவனத்தை தாங்களே வளர்த்துக்கொள்ள முடிகிறது. 2020-21ஆம் ஆண்டில் 172 பயனாளிகளுக்கு கிட்டத்தட்ட 86 கிலோ அசோலா வித்துக்கள் வழங்கப்பட்டுள்ளன.

• தேசிய கால்நடை திட்டம், மத்திய மாநில அரசுகளின் நிதியுதவியுடன் இயற்கையான இனப்பெருக்க முறையில் மேச்சேரி இன செம்மறி ஆடுகளில் மரபியல் பண்புகளை மேம்படுத்துதல் திட்டத்தினை கால்நடை பராமரிப்புத்துறை, திருப்பூருடன் இணைந்து செயல்படுத்துதல்.
• நபார்டு நிதியுதவியுடன் கால்நடை பண்ணைப்பிரிவு ஊக்கமளிப்பு நிதி திட்டத்தின் கீழ் “அறிவியல் ரீதியில் காங்கேயம் மாட்டின உற்பத்தித் திறனை மேம்படுத்துதல்”
• தமிழ்நாடு நவீனப்படுத்தப்பட்ட வேளாண்மை பாசன திட்டம் – கறவை மாடுகள் உற்பத்தித் திறனை மேம்படுத்தும் பொருட்டு தமிழ்நாடு கால்நடை அறிவியல் பல்கலைக்கழகத்தினால் உருவாக்கப்பட்ட ஊட்டச்சத்து அளிப்பதற்கான யுக்திகளை விவசாயிகளுக்கு அறிமுகப்படுத்துதல்.
• மாவட்ட செயலாக்க மையம் - தமிழ்நாடு கால்நடை அறிவியல் பல்கலைக்கழகத்தின் க்ராண்ட் (Grand) அளிப்பதன் மூலமாக கறவை மாடுகளின் உற்பத்தி மற்றும் லாபத்தை அதிகரித்தல் (தேசிய வேளாண் அபிவிருத்தித் திட்டம்).

• நாட்டுக் கோழிகளில் கொட்டூக்னியா மற்றும் கோனாடீனியா இன்பெண்டிபுலம் பாதிப்பு தமிழ்நாட்டிலேயே முதல்முறையாக நாட்டுக் கோழிகளில் கண்டறியப்பட்டது.
• இய்மிரியா ப்ருனட்டி பாதிப்பினால் நாட்டுக் கோழிகளின் பின்சிறுகுடல் மலக்குடல் மற்றும் குடல்வால் பகுதியில் ஏற்படும் பாதிப்புகளை முதன்முறையாக ஆவணப்படுத்தப்பட்டது.
• இதய மேலுறை நீர்க்கோவை – கல்லீரல் வீக்க குறைபாடு (லீச்சி வியாதி) தமிழ்நாட்டில் பல்லடம் பகுதி கறிக்கோழிகளில் கண்டறியப்பட்டு ஆவணப்படுத்தப்பட்டது.

• 2018ல் இந்திய வேளாண் ஆராய்ச்சி மன்றம், கரும்பு பெருக்க நிறுவனம் கோயம்புத்தூர் ஆல் நடத்தப்பட்ட விவசாயிகள் கண்காட்சியில் திரு ஆனந்த் குமாரசாமி, திருப்பூர் சிறந்த தொழில்முனைவோர் விருது பெற்றார்.

பேராசிரியர் மற்றும் தலைவர்,
கால்நடை மருத்துவப் பல்கலைக்கழகப் பயிற்சி மற்றும் ஆராய்ச்சி மையம்,
கால்நடை மருத்துவமனை வளாகம், பழைய பேருந்து நிலையம் எதிரில்,
திருப்பூர் - 641604
தொலைபேசி: +91–421 2248524
மின்னஞ்சல் : tirupurvutrc@tanuvas.org.in