கால்நடை உற்பத்திக் கல்வி மையம்

தமிழ்நாடு வேளாண் பல்கலைக்கழகம், கோயம்புத்தூர் கட்டுப்பாட்டின் கீழ் 17.10.1982 அன்று கோழியின ஆராய்ச்சி மற்றும் மேம்பாட்டு மையமாக தோற்றுவி்க்கப்பட்டது. இம்மையம் புதுக்கோட்டை மாவட்டம் மற்றும் அதனைச் சுற்றியுள்ள பகுதிகளில் கறிக்கோழி மற்றும் முட்டைக்கோழி பண்ணைகளை நிறுவுவதில் கவனம் செலுத்தியது. தமிழகத்தில் தமிழ்நாடு கால்நடை மருத்துவ அறிவியல் பல்கலைக்கழகம் நிறுவப்பட்ட பிறகு, இம்மையம் 20.09.1989 முதல் தமிழ்நாடு கால்நடை மருத்துவ அறிவியல் பல்கலைக்கழகத்தின் கட்டுபாட்டில் கொண்டு வரப்பட்டது. இந்த மையத்தின் பெயர் பின்னர் பல்கலைக்கழக பயிற்சி மற்றும் ஆராய்ச்சி மையம் மற்றும் கால்நடை பல்கலைக்கழக பயிற்சி மற்றும் ஆராய்ச்சி மையம் என மாற்றப்பட்டது. இம்மையம் 38.33 ஏக்கர் நிலப்பரப்பு கொண்ட அண்டக்குளம் சாலையில் உள்ள டானிடா கட்டிட வளாகத்திற்கு கால்நடைப் பல்கலைக்கழக பயிற்சி மற்றும் ஆராய்ச்சி மையமாக 01.08.2004 அன்று மாற்றப்பட்டது. அதன் பின் மண்டல ஆராய்ச்சி மையமாக 19.08.2005 அன்று மேம்படுத்தப்பட்டது. அதனைத் தொடர்ந்து 23.05.2017 அன்று மண்டல ஆராய்ச்சி மற்றும் கல்வி மையமாக உயர்த்தப்பட்டது.

இம்மையத்தில் விவசாயிகளுக்கு தேவையான நாட்டுக்கோழி குஞ்சுகள், வான்கோழி குஞ்சுகள், இராமநாதபுர வெள்ளை செம்மறியாட்டுக் குட்டிகள் வழங்கப்படுகிறது. இம்மையம் புதுக்கோட்டை மற்றும் அருகில் உள்ள மாவட்ட விவசாயிகளுக்கு கால்நடை வளர்ப்பு மற்றும் கோழி வளர்ப்பு பயிற்சிகளை வழங்குகிறது. பின்வரும் கோழி மற்றும் கால்நடை இனங்கள் இம்மையத்தில் பராமரிக்கப்படுகிறது.

இம்மையத்தில் 3700 குஞ்சுகள் பொரிக்க கூடிய திறன் கொண்ட தானியங்கி குஞ்சுபொரிப்பான் உள்ளது. வருடத்திற்கு 25000 எண்ணிக்கையான குஞ்சுகளை இம்மையம் உற்பத்தி செய்து விவசாயிகளுக்கு வழங்குகிறது (2020-21). இம்மையத்தில் 2 எண்ணிக்கையில் குஞ்சு பொரிக்கும் இயந்திரங்கள் உள்ளன.