விரிவாக்கக் கல்வி இயக்குநரகம்

வேளாண் அறிவியல் நிலையங்கள் தங்கள் பகுதிகளுக்கு ஏற்ற தொழில்நுட்பங்களை வயல்வெளி பரிசோதனைகள், செயல்விளக்கங்கள் வாயிலாக விவசாயிகளுக்குத் தெரியப்படுத்துதல், விவசாயம் மற்றும் அதனை சார்ந்த தொழில்களுக்கு தகவல்; வள மையமாக செயல்படுதல் போன்ற குறிக்கோள்களை செயல்படுத்த கீழ்கண்ட பணிகள் மேற்கொள்ளப்படுகிறது.

• வயல் வெளிப் பரிசோதனை மூலம் பண்ணைக்கேற்ற வேளாண் மற்றும் அதனைச் சார்ந்த தொழில்நுட்பங்களைத் தேர்ந்தெடுத்தல்.
• முதல்நிலை செயல்விளக்கம் மூலம் வேளாண்மை மற்றும் அதனைச் சார்ந்த தொழில்களில் உற்பத்தி திறனை மேம்படுத்த விவசாயிகளின் வயல்களில் மாதிரி விளக்கத்திடல்கள் அமைத்தல்.
• விவசாயிகளுக்கு வயல்வெளிப் பரிசோதனை மற்றும் முதல்நிலை செயல்விளக்கத்தின் போது அவர்களுக்கு தேவையான பயிற்சியளித்தல் மற்றும் விரிவாக்க பணியாளர்களுக்கு மேம்படுத்தப்பட்ட தொழில்நுட்பங்கள் பற்றிய பயிற்சியளித்தல்.
• சரியான விரிவாக்க முறையைக் கையாண்டு, ஆராய்ச்சி நிலையங்களிருந்து பெறப்பட்ட புதிய தொழிநுட்பங்களைப் பற்றி விவசாயிகளிடம் விழிப்புணர்வை ஏற்படுத்துதல்.
• விவசாயிகளுக்குத் தரமான விதை, நாற்றுகள், கன்றுகள், கால்நடை மற்றும் அதனைச் சார்ந்த இடுபொருட்களைத் திட்டங்கள் மூலம் அளித்தல்.
• வேளாண் அறிவியல் நிலையமானது மாவட்ட அளவில் வேளாண் பொருளாதாரத்தை உயர்த்துவதற்கு ஏற்றபடி வேளாண் தொழில்நுட்ப தகவல் மையமாக செயல்படுதல்; ஆகியவை முக்கிய குறிக்கோள்களாகும்.

மேற்கண்ட முக்கிய குறிக்கோள்களை அடைய வேளாண்மை மற்றும் அதனைச் சார்;ந்த துறைகளான, கால்நடை, தோட்டக்கலை, உழவியல், மண்ணியல், மீன்வளம்,வேளாண் பொறியியல் மற்றும் மனையியல் போன்ற துறைகளின் மூலம் பல்கலைக்கழகத்தால் அறிமுகப்படுத்தப்படும் நவீன தொழில்நுட்பங்களை விவசாயிகளுக்குத் தெரியப்படுத்தப்படுகின்றது. மேலும் முதல்நிலை செயல்விளக்கம் மற்றும் வயல்வெளிப் பரிசோதனை மூலம் விவசாயிகள் நவீன தொழில்நுட்பங்களின் அனுகூலத்தைக் கண்டு நம்பிக்கை பெறுகின்றனர்.

வயல்வெளி ஆய்வு மூலம் விஞ்ஞானிகள் விவசாயிகளின் வயல்களுக்கு நேரடியாகச் சென்று அவர்களின் வேளாண் பிரச்சினைகளை ஆய்வு செய்து தக்க தீர்வுகளை தருகின்றனர். இதன் மூலம் விவசாய உற்பத்தியைப் பெருக்கி கிராமப்புற பொருளாதார மேம்பாடு அடைய முயற்சிகள் மேற்கொள்ளப்பட்டு வருகின்றன.

வேளாண்மை, கால்நடை வளர்ப்பு, தோட்டக்கலை,மண்ணியல், மீன்வளம், மனையியல் போன்ற பல்வேறு துறைகளில் விவசாயிகள், பண்ணை மகளிர், கிராமப்புற இளைஞர்கள் மற்றும் மகளிர் சுய உதவிக் குழுக்களுக்கு வேளாண் அறிவியல் நிலைய வளாகத்திலும் மற்றம் வளாகத்திற்கு வெளியேயும் பயிற்சிகள் அளிக்கப்படுகின்றன.

• விரிவாக்க அலுவலர்களுக்கான நவீன தொழில்நுட்ப பயிற்சி அளித்தல்
• முதல்நிலை செயல் விளக்கம் மற்றும் வயல்வெளி சோதனைகள் நடத்துதல். மாவட்டத்திற்கேற்ற புதிய தொழில்நுட்பங்களை முதல்நிலை செயல்விளக்கம் மூலம் பரவலாக்குதல்.
• விவசாயிகளின் வயல்களிலிருந்து மண், நீர் மற்றும் தாவர மாதிரிகளை சேகரித்து, ஆய்வு செய்து பின்பிற்ற வேண்டிய தீர்வு ஆலோசனைகளையும் வழங்கப்படுகின்றன.
• நேரில். தொலைபேசி, கடிதங்கள், காணொலி மாநாடு, வானொலி மற்றும் தொலைக்காட்சி மூலம் தொழில்நுட்ப ஆலோசனைகள் வழந்கப்படுகின்றன.
• கால்நடை மருத்துவ முகாம்கள் நடத்துதல் மற்றும் பங்கேற்றுதல்
• பல்வேறு பண்ணைகளுக்குச் சென்று ஆலோசனை சேவைகள் வழந்கப்படுகின்றன.
• புதிய பண்ணைகள் அமைப்பதற்கு வங்கிக் கடன் பெறுவதற்கான திட்ட அறிக்கைகள் தயாரித்து வழங்குதல்
• கண்காட்சி நடத்துதல் மற்றும் பங்கேற்றுதல் போன்ற செயல்பாடுகள் மேற்கொள்ளப்படுகின்றன.