தொலைநிலைக் கல்வி இயக்ககம்

சுய மற்றும் தனிநபர் வேலை வாய்ப்புகள் மற்றும் வருவாயைப் பெருக்குதல் மூலமும் கால்நடை உற்பத்திப் பொருட்கள் மற்றும் சேவைகளுக்கான பயனுள்ள தேவையை உருவாக்குதல் மூலமும் பரந்த அளவில் ஊரக வருமையை குறைப்பதில் முதன்மையான பங்கை வகிக்கிறது, கால்நடை மற்றும் கோழி வளர்ப்புத் துறை. ஊரக மக்களுக்குப் பலதரப்பட்ட வேலைவாய்ப்பு மற்றும் சுய வேலைவாய்ப்புகளை வழங்குவதற்கான வாழ்வாதார உருவாக்கத்திலும், வளர்ச்சியும் முன்னேற்றமும் இணைந்த விரும்பிய திசையில் ஊரகப் பொருளாதாரப் பரிமாற்றச் செயல்பட்டிலும் கால்நடை மற்றும் கோழி வளர்ப்புத் துறையின் பங்கு முக்கியத்துவம் வாய்ந்ததாக உருவாக்கிவுள்ளது.
இதனைக் கவனத்தில் கொண்டு, தமிழ்நாடு கால்நடை மருத்துவ அறிவியல் பல்கலைக்கழகத்தின் தொலைநிலைக் கல்வி இயக்ககம் எழுத, படிக்கத் தெரிதல் முதலான குறைந்த கல்வித் தகுதி முதற்கொண்டு 10ஆம் வகுப்பு கல்வித் தகுதி பெற்றவர்களுக்கு 10 சுய வேலைவாய்ப்புப் பயிற்சிகளை வழங்குகிறது. இந்தப் பயிற்சிகள் கறவை மாடு வளர்ப்பு, செம்மறியாடு வளர்ப்பு, வெள்ளாடு வளர்ப்பு, பசுந்தீவனம் மற்றும் விதை உற்பத்தி, உறைமோர் மூலம் பால் பொருட்கள் தயாரித்தல், கால்நடைப் பண்ணைக் கழிவு மேலாண்மை, முயல் வளர்ப்பு, வெண்பன்றி வளர்ப்பு, ஜப்பானியக் காடை வளர்ப்பு, நாட்டுக்கோழி வளர்ப்பு ஆகியவற்றை உள்ளடக்குகின்றன. அனைத்துப் பயிற்சிகளும் 15 வேலை நாட்கள் கொண்டவை. அனைத்துப் பயிற்சிகளின் கட்டண அளவு ரூபாய் 3000/- ஆகும். சுய வேலைவாய்ப்புப் பயிற்சிகளில் சேர்க்கை பெற்றவர்களுக்குப் பண்ணையாளர்கள் நடத்தி வரும் பண்ணைகளில் செயல் முறைப் பயிற்சி வழங்கப்படுகிறது. பயிற்சிக்கென்று அடையாளங் காணப்பட்ட பண்ணைகளில் ஒதுக்கப்பட்ட வேலையைச் செய்து அனுபவம் பெறுவதற்காகப் பயிற்சியில் சேர்ந்த நபர்கள் அப்பண்ணைகளில் அனுமதிக்கப்படுகின்றனர்.

பயிற்சியில் சேர்க்கை பெற்ற நபர்களுக்கு ஒவ்வொரு பயிற்சிக்குமான பயிற்சிக் கையேடு அச்சிடப்பட்டு வழங்கப்படுகிறது. ஒரு மாதம் அல்லது பயிற்சியின் கால அளவுக்குத் தக்க செய்முறைப் பயிற்சிகள் ஏற்பாடு செய்யப் பட்டுள்ளன. மாவட்ட அளவில் உள்ள அனைத்துப் பயிற்சி மையங்கள்மூலம் உரிய பயிற்சி வகுப்புகள் நடத்தப்படுகின்றன.

பயிற்சி மையங்கள் நடத்தும் தேர்வின் அடிப்படையில் பயிற்சியாளர்கள் மதிப்பீடு செய்யப்பட்டு, பயிற்சி நிறைவு செய்தவர்களுக்குச் சான்றிதழ்கள் வழங்கப் படுகின்றன.