கால்நடை மருத்துவக் கல்லூரி மற்றும் ஆராய்ச்சி நிலையம், சேலம்

கால்நடை ஊட்டச்சத்தியல் துறை 2020 ஆம் ஆண்டு நிறுவப்பட்டு, இந்திய கால்நடை மருத்துவ கவுன்சில் விதிமுறைகளின்படி 8995 சதுர அடி பரப்பளவில் இத்துறைக்கான கட்டிடம் கட்டப்பட்டது.

இந்த ஆய்வகங்களில் தீவனம் மற்றும் தீவன மாதிரிகளின் பகுப்பாய்வுக்கான அனைத்து உபகரணங்களும் உள்ளன.

செயல்விளக்க நோக்கத்திற்காக ஒரு மணி நேரத்திற்கு 0.5 மெட்ரிக் டன் உற்பத்தித் திறன் கொண்ட ஒரு சிறிய தீவன பதப்படுத்தும் ஆலை இத்துறையில் நிறுவப்பட்டுள்ளது. இது இளங்கலை மாணவர்களுக்கு, பல்வேறு கால்நடை மற்றும் கோழி தீவனங்களைத் தயாரிப்பது குறித்த பயிற்சிக்கு உதவுவதோடு கல்லூரியின் கால்நடை பண்ணை வளாகத்தில் பராமரிக்கப்படும் கால்நடைகளுக்கு தீவனமளிக்கப் பயன்படுகிறது.

இத்துறை, இளநிலை பட்டப்படிப்பு பயிலும் மாணாக்கர்களுக்கு இரண்டாம் ஆண்டில் கால்நடை ஊட்டச்சத்து தொடர்பான பாடப்பிரிவுகளை வழங்குகிறது.

இத்துறை, இந்த மாவட்டத்தில் உள்ள கால்நடைகள் மற்றும் கோழிகளுக்கு உள்ளூரில் கிடைக்கும் தீவனப் பொருட்களைக் கண்டறிந்து, குறைந்த விலையில் கலப்புத்தீவனம் தயாரிக்க விவசாயிகளை ஊக்குவிக்கிறது. மேலும், தீவனம்/உணவுப் பொருட்களில் கலப்படம் மற்றும் மைக்கோடாக்சின்கள் பற்றிய பகுப்பாய்வு விவசாயிகளின் நலனுக்காக மேற்கொள்ளப்படுகிறது.

கால்நடை விவசாயிகளுக்கு, சமச்சீர் தீவன உருவாக்கம், ஊட்டச்சத்து, பண்ணை மாடுகளில் கருவள மேலாண்மை மற்றும் கோழித் தீவனம் குறித்த காலமுறை பயிற்சி அளிக்கப்படுகிறத.